متلازمة المنحبس متلازمة المنحبس من اشد المتلازمات تعذيب للانسان و دي اللي حالة بيحصل فيها شلل لكل العضلات الارادية عدا عضلات العينين بالاضافة لان المريض بيكون واعي بكل اللي بيحصل حوليه و احيانا بيتواصلوا مع اللي حواليهم عن طريق حكة العينين فكان الانسان محبوس جوا جسمه و محدش سامعه ودا بيكون نتيجة ل شلل رباعيالاسباب تضرر الجزء السفلي من الدماغ و دا بيحصل نتيجة حجات كتير ذي مثلا السكتات الدماغية تلف بعض الوصلات العصبية بالمخ بعض امراض القلب و نزيف المخ حوادث السيارات التي نسبب تلف بالجزء السفلي للدماغ متلازمة كوتارو دي متلازمة المريض بيكون متاكد انه ميت و ان مفيش في جسمه دم علي الرغم انه سليم تمام لكن بيتصرف علي اساس انه ميت و مش بيرضي يقتنع غير بالفكرة دي و دا غالبا مش بيحصل غير مع مرضي الذهان و الانفصام متلازمة اليدالغريبةالمريض بيكون مش حاسس بوجود ايده و كانها مش جزء من جسمه و اليد بتتحرك لوحدها و هو مش حاسس بحاجة و دا بيحصل بسبب حدوث عدم تناسق بين الجزء اليمين والشمال ف المخ و دا بيكون بسبب ورم او جلطة او عملية ازالة او فصل جزء من المخ متلازمة الرجل الصخرةمن فضل ربنا علينا اننا لما بنتجرح بيحصل التئام للجروح بنفس النسيج بتاع المنطقة اللي اتجرحنا فيها ماعدا ف الحالة دي و اللي بيحصل فيها ان الجرح ف اي نسيج ف الجسم بيلتئم ب " عظم" خاصة بيحصل في مفاصل الرجلين والصوابع الحالة دي نادرة جدا لكن مازالت موجودة و السبب فيها هو سبب جيني و ان في انزيم معين بيطلع بكثرة علي الرغم ان الجين المسؤل عن تكوين العظام بيتوقف اثناء م الشخص بيكون جنين متلازمة المستئذبيناتسمت بالاسم دا عشان الجسم بيكون كله شعر و الاسنان بيتغير شكلها و الانسان بيبقي شبه المستذئبين فعلا .. الشعر بيطلع في كل حته ف الجسم سواء رجال او نساء و و يدوب بس 50 حالة بس اتسجلوا من سنة 1800 ودي برضوا سببها جيني و كان يعتقد زمان في اوروبا اثناء العصور الوسطي ان دا بسبب النوم تحت ضوءالقمر و الحل ليها ان الشعر الزيادة دا يتشال .... كان ف العصر الوسطي في اوروبا كان في لاعبة ف السيرك مشهور بالحالة دي و كانت اول حالة تتسجل
