ناس كتير بتوصل لطريق مسدود و التفكير الزيادة عن اللزوم بيشتغل معاها و مش بتبقي عارفه اذا كان هل مشكلتها ليها حل فعلا ولا الشعور دا هيفضل ملازمها طول العمر ؟ طيب الاخبار الكويسة ان فعلا في علاج و علاج فعال يعني بس الموضوع عايز صبر لشهرين علي الاقل بس لازم تعرف الاتي اولا : ان الدكتور النفساني عمره ما هيقدر يساعدك غير لما انت كمان يكون عندك رغبة تساعد نفسك و تطلع من اللي انت فيه هو بس كل مهمته انه يشخصك صح و يكتبلك الدوا الصح و ممكن بعض الدعم ثانيا لازم تفهم مرضك ... لازم تحط في دماغك فكرة ان نوبات الهلع بتحصل لما تكون في مشكلة انت بتتغاضي عنها ف المخ بيحاول يشتتك بفكرة اكبر و هي الموت لان مفيش مشكلة اكبر من الموت قول لنفسك ان دول مجرد شوية ادرينالين و هيروحوا لحالهم و تجاهل الموضوع تماما متقلقش مش هتموت و اتنفس كويس و مرة علي مرة الموضوع هيبطل يجيلك نهائي لكن محتاج صبر و تعود ثالثا برضو لازم تفكر ايه اللي كان بيحفز نوبات الهلع دي لان اكيد في حاجة بتحفزها ذي مثلا انك تقلل قهوة او تظبط نومك او تحسن عاداتك لما تنزل تلعب رياضة دا هيحرك دورتك الدموية و قلبك و زيادة ضربات القلب هيبقي شيئ عادي مش لازم تشيل اثقال ممكن تنزل تجري مرة ف الاسبوع رابعا واخيرا الادوية : الناس بتتخوف منها لانهم بيعتقدوا انها مضرة اكتر من نفعها و السبب لان معظم اللي بياخد الادوية و بيكون خايفين منها بيلقوا اللوم علي الادوية بسبب اي حاجة تحصلهم مش هننكر ان في اعراض جانبية بتحصل بسبب الادوية بس هي مش خطيرة والادوية دلوقتي بقيت امنه جدا المشكلة ف الادوية انك لازم تتابع مع الدكتور عشان اكيد هتغير الدوا لو تعبت منه يعني في ناس ترتاح مع نوع معين من الادوية و ناس ترتاح لنوع تاني والاتنين نفس النتيجة لكن متستسلمش من اول محاولة..
