مؤخرا بقينا بنسمع كتير عن مصطلح وبنشوف ناس كتير وخصوصا ف الملاعب بيقولوا انهم بلعوا لسانهم ؟؟ تعالوا نعرف انهارده الحاله دي اسبابها ايه بالظبط ؟ ونتعامل معاها ازاي لو شفناها ؟ وهل فعلا اللسان بيتبلع زي ما بيقولوا ولا لأ ؟؟؟؟؟ ناس كتير ف اعتقادها ان اللسان بيلف وبيدخل لجوه ويتبلع زي اي حاجه بنبلعها والحقيقه ان الكلام دا خاطئ تماما واللسان مبيتبلعش تعالي نشوف ايه الي بيحصل بالظبط طيب ؟ حالة بلغ اللسان ما هي الا ( فقدان وعي ) زيها زي اي حد مغمي عليه بنشوفه , لكنها قويه شويه بينتج عنها ارتخاء ف عضلات الجسم كلها , واللي منه اللسان فبالتالي اللي حصل بالظبط ان اللسان ارتخي , او بمعني اصح اتمدد او كبر ف الحجم متبلعش , فبيقفل الممر الهوائي ويمنع دخول الاكسجين للرئه . لو لقدر الله سبته زي ما هوو مقفول , الراجل دا نفسه هيقف ومن بعده القلب بيقف هو كمان وبالتالي هيموت لقدر الله لو معملتش ليه * انعاش قلبي رئوي CPR * طيب انا هعمل ايه لو لقدر الله لقيت حاله زي دي ؟؟؟ - بنشوف لاعيبه كتير بتجري علي زميلها اللي بلع لسانه دا وتفتح فمه وتفضل تشد ف لسانه ف اعتقاد منهم انه ممكن يتبلع , ودا مش صح اوي علشان تنقذ الحاله دي وتكون سبب ف حياة انسان بجد مش مطلوب منك غير حاجه بسيطه خالص ايد علي راسه وايد تحت صدغه وارفع راسه لفوق . - اللي انت عملته دا ( فتح ممر الهواء ) واعطي فرصه للاكسجين انه يدخل للرئه وتستمر عملية التنفس بعد كدا بتتعامل معاه علي انه حالة اغماء عاديه خالص وتعمل الخطوات الي قلنا عليها في الثريد دا https://forum.facmedicine.com/threads/adhai-ttsrf-lu-xhd-bitxnq-qdamk.39151/