الخصية هي العضو المسئول عن انتاج الحيوانات المنوية و التستوستيرون و دا اللي هو هرمون الذكورة و المسئول عن اظهار الصفات الذكورية , الخصيتين مكانهم بيكون خارج تجويف الجسم لان لازم درجة الحرارة تكون اقل من الجسم درجتين و عشان كدا بنلاحظ اقتراب الخصية من الجسم في الشتاء و تبتعادها عن الجسم ف الصيف عشان تحافظ علي درجة حرارة ثابته و نسيج الخصية يفضل سليم مشكلة الدوالي موجودة عند 20% من الرجال و ممكن تظهر في اي مرحلة عمرية ممكن قبل البلوغ و ممكن ف الشباب و ممكن ف الاربعينات فهي ملهاش وقت محدد بتظهر فيه و ممكن الشخص يكون تكون عنده طول عمره و هو مش عارف دا بالاضافة الي ان سببها مش معروف الي الان ايه هي دوالي الخصية ؟ دوالي الخصية هي تمدد ف الاوردة الموجودة بالخصية و تلف ف الصمامات و دا اللي بيؤدي الي ارتفاع درجة حرارة الخصية و ان الدم المحمل ب ثاني اكسيد الكربون يفضل موجود و يتراكم و احتمال يحصل التهاب للاوردة و الدم ميتحركش في مسارة الطبيعي في الغالب الدوالي بتحصل علي الخصية الشمال لان الاوردة فيها اوسع من اليمين و ممكن تحصل في ناحية او ناحيتين في بعض الحالات اللي المريض بيشتكي فيها من الم ف الخصية اليمني و بدون ما يكون في كتلة من الاوردة بيكون السبب سرطان ف الكلية اليمين و مش دوالي** تشخيص دوالي الخصية بيعتمد علي الدرجة بتاعت الدوالي فلو مثلا درجة اولي مش هنقدر نشوفها بالعين المجردة و لا باللمس لو درجة تانية هنحسها بس لو درجة تالته هنشوفها بالعين المجردة و دا اسمه الفحص السريري في كمان اشعة دوبلر علي الاوعية للتاكد من وجود الدوالي المضاعفات غالبا مش بيكون في مضاعفات لدوالي الخصية لكن هي مسئوله عن 40% من حالات العقم المؤقت عند الرجال و الحاجة التانية انها ممكن تؤدي الي الم العلاج مفيش علاج دواء دوائي للدوالي نفسها لكن ممكن ندي مسكنات للالم لو الالم شديد لكن الدوالي مازالت موجودة و الحل هو الجراحة بس الجراحة مش لازم كل الناس تعملها الا ف الحالات الاتية الدوالي ماثرة علي عدد الحيوانات المنوية و الخصوبة في الم لا يحتمل " نادرا ما بيحصل " ضمور ف الخصية العلاج الجراحي ليه عمليات كتير منها الاشعة التداخلية و القطع الوريدي و بالقسطرة لكن الاشهر و الاقل خطورة هي الجراحة الميكروسكوبية للحد من الاثار الجانبية للدوالي - نقلل الوقوف لفترات طويلة -هنتجنب التعرض للحرارة -عدم ارتداء رافع الخصيتين