centered image

centered image

ما هى المعادلة الامريكية USMLE

Discussion in 'المنتدى الطبى' started by hatem mohamed, Feb 7, 2019.

  1. hatem mohamed

    hatem mohamed Well-Known Member

    Joined:
    Feb 1, 2019
    Messages:
    101
    Likes Received:
    1
    Trophy Points:
    200
    Gender:
    Male
    Practicing medicine in:
    Egypt


    اكيد انت سمعت عن المعادلة الامريكية سواء كنت طالب لسة ف اول دراستك او طبيب حديث التخرج و اكيد عندك بعض المعلومات عنها ، لكن سريعاً كدة هاتكلم عن المعادلة الأمريكية USMLE ايه هى ، و ايه هى مميزاتها، وهل تستحق فعلا انى افكر فى دراستها و اصرف فلوس كتير علشان اخرج اسافر اشتغل فى امريكا ؟

    ايه هي المعادلة الامريكية ؟؟

    USMLE هى اختصار لكلمة United States Medical Licensing Examination ، يعنى اختبار الرخصة الطبية الأمريكي ودة اختبار كل الأطباء فى امريكا لازم يجتازوه للحصول على رخصة مزاولة مهنة الطب فى امريكا و يقدروا يشتغلوا. و نتيجة لنقص اعداد الأطباء فى امريكا و احتياجهم لأطباء للعمل فى امريكا فتحوا المجال انك تعادل دراستك الطبية من اى دولة و تجتاز الاختبارات دى للحصول على الرخصة الطبية الأمريكية.
    الاختبارات دى بتمر ب 3 مراحل USMLE Step 1, Step 2 CK and Step 2 CS بعد اجتياز المرحلتين دول تحصل على الرخصة و المرحلة التالتة Step 3 و دى تقدر تجتازها خلال عملك خلال 7 سنوات و الا هتكون مضطر لاجتياز الـ USMLE من اول وجديد

    USMLE Step 1
    عبارة عن امتحان يوم واحد و الاختبار عبارة عن 308 سؤال MCQ متقسمين 7 مجموعات و كل مجموعة فيها 44 سؤال، و ليك 60 دقيقة للاجابة على كل مجموعة (44 سؤال)، و ليك 45 دقيقة فقط راحة طول فترة الاختبار و كمان ليك 15 دقيقة فى البداية لشرح طريقة الامتحان.
    الامتحان دة ممكن تمتحنه فى اى مركز بروميتريك معتمد فى دولتك زى مثلا Amideast فى مصر.
    و بيكون ليك 3 شهور فترة سماح لدخول الامتحان اول ما تقدم و تقدر فى اى وقت خلال ال 3 شهور تسجل لامتحانك فى المعاد اللى تختاره من ضمن ايام كتيرة متاحة بتعرفها لما تقدم على Step 1.
    رسوم دخول امتحان Step 1 هى 1045 دولار!!
    عموما Step 1 سهلة و مذاكرتها سهلة جداً و هى بتقيم معرفتك العامة و الأساسية اللازمة لممارسة الطب، و هتمتحن على حاجات بسيطة جدا في
    anatomy, physiology, .biochemistry, pathology, microbiology, pharmacology, behavior sciences, biostatics epidemiology
    . ​
    USMLE Step 2 CK
    نفس فكرة الـ Step 1 فى طريقة الامتحان، امتحان يوم واحد عبارة 355 سؤال MCQ متقسمين 8 مجموعات و كل مجموعة فيها تقريبا 44 سؤال و معاك 60 دقيقة للاجابة على كل مجموعة مع 45 دقيقة راحة طول فترة الاختبار و الـ 15 دقيقة اللى معاك فى البداية لشرح طريقة الامتحان .
    برده نفس القصة انك ممكن خلال 3 شهور من التقديم على Step 2 CK تمتحن ف اى معاد تختاره.والاختبار دة برده فى دولتك مش محتاج تسافر اى مكان.
    رسوم دخول امتحان Step 2 CK هى 1065 دولار!!
    Step 2 CK بتقيم الـ clinical بتاعك اكتر و بتقيم مهاراتك الطبية و الامتحان بيكون على patient diagnosis, patient management, medicolegal issues, patient safety, biostatistics and epidemiology in all clinical specialties.
    USMLE Step 2 CS
    عبارة عن امتحان يوم واحد و لكن امتحان كلينكال (عملى)، هتعدى على 12 لجنة (12 مريض) معاك 15 دقيقة مع كل مريض و بعدها 10 دقايق تكتب التقرير بتاعك عن الحالة قبل ما تنقل على المريض اللى بعده.
    للاسف الامتحان دة بيكون فى امريكا يعنى لازم تسافر علشان تمتحن Step 2 CS و بتمتحن فى مركز معتمد من 5 مراكز موجودين فى هيوستن، شيكاغو، أتلانتا، فيلادلفيا أو لوس انجليس.
    و معاك 12 شهر من وقت ما تسجل Step 2 CS تقدر تدخل فيهم الامتحان فى اى معاد مناسب ليك.
    رسوم دخول Step 2 CS هى 1550 دولار!! و طبعا دة غير تكلفة السفر.
    Step 2 CS بتقيم مدى كفائتك فى التعامل مع المريض و الحصول على المعلومات و التشخيص و درجة تحدثك للانجليزية.
    بعد اجتياز المرحلة دى هتحصل على شهادة المعادلة الامريكية و تقدر تقدم للعمل فى امريكا.
    USMLE Step 3
    عبارة عن امتحان على يومين، اليوم الأول عبارة عن امتحان MCQ على 6 مجموعات كل مجموعة فيها من 42 - 43 سؤال. اليوم التانى امتحان MCQ برده عبارة عن 6 مجموعات كل مجموعة فيها 33 سؤال.
    معاك 6 شهور من وقت تسجيلك لدخول الاختبار تقدر تمتحن فى اى يوم مناسب، و الاختبارات بتكون فى مراكز بروميتريك معتمدة داخل امريكا فقط.
    رسوم دخول الاختبار هى 830 دولار!!
    Step 3 مش لازم تجتازها للحصول على الرخصة، انت بعد Step 2 CS بتاخد شهادة المعادلة الأمريكية و الرخصة لكن لازم تجتاز Step 3 خلال 7 سنين من اول اختبار ليك دخلته و الا هتضطر تعيد الـ USMLE من اول وجديد.

    مميزات المعادلة الأمريكية USMLE
    • تعتبر اعلى شهادة طبية علمياً يمكن الحصول عليها.​
    • اقوى من شهادة الدكتوارة المصرية 5 مرات.​
    • ممكن تقدم و تمتحن و انت لسة طالب و تخلص الشهادة مع حصولك على درجة البكالوريوس وتسافر على امريكا على طول.​
    • ممكن تسافر و تشتغل فى اى مكان فى العالم بشهادة المعادلة الامريكية.​
    • مرتبات مرتفعة جداً و بالذات فى دول الخليج.​

     

    Add Reply

Share This Page

<