مرض السكري هو اكتر الامراض انتشارا بالعالم طبقا لمنظمة الصحة العالمية و بيحصل بسبب خلل في انتاج هرمون الانسولين من البنكرياس و ممكن يحصل في اي عمر سواء كبار سن او صغار و في عوامل بيتزيد من فرص الاصابة بمرض السكري ذي التدخين او تاريخ وراثي , شرب الكحليات , الامراض المناعيه , السمنة , ارتفاع ضغط الدم , الحمل .... وبيتقسم مرض السكر لنوعين هم النوع الاول : و دا منتشر اكتر ف الاطفال بسبب ان الجهاز المناعي بيهاجم خلايا البنكرياس المسئولة عن صنع الانسولين ودا علاجه ان المريض بيفضل ياخد انسولين طول عمره النوع التاني : ودا منتشر بين البالغين اكتر و بيجي بسبب ان البنكرياس مش بيطلع كميات كبيرة من الانسولين و الناس اللي بتعاني من السمنة المفرطة اكتر عرضة للاصابة بالنوع دا من السكر امتي تروح تكشف عن وجود مرض السكري مرض السكري ليه اعراض مميزة بتحتاج تروح تعمل تحليل لو ظهرلك اي منها ذي مثلا جفاف الفم كثرة التبول الشعور بالارهاق شعور بالتنميل عدم وضوح الرؤية عدم التئام الجروح بسرعة حكة بالجلد غالبا بسبب الاصابة بامراض الفطريات النظام الغذائي المتبع يفضل اتباع نظام غذائي معين لمرضي السكر للمحافظة علي نسبة السكر ثابته بالدم .... النسبة الطبيعية للسكر بالدم هي كالاتي في حالة الصيام :72-108 م/د و في بعد الاكل بتوصل 140 م/د فبالتالي لازم نلتزم بنظام غذائي عشان النسب دي متزدش و دي نصايح عشانتحافظ علي السكر مظبوط الاكل المفروض يحتوي علي الياف ذي مثلا الشوفان و النخالة و الفول و دا لانها بتقلل امتصاص الدهون و بتقلل الامساك تقليل اللحوم الحمراء ف الاكل و ممكن نستبدلها بالسمك خاصة المشوي او الفراخ المشوية لان الشوي بيقلل الدهون المشبعة تقليل السكريات و المسروبات الغازية خصوصا عشان فيها كميات سكر كتير يفضل استبدال السكريات ب ثمرة فاكهة واحدة بس ف اليوم تقليل الملح ف الاكل عشان بيزود الضغط خفض الوزن و ممارسة الرياضة و شرب كميات كافية من الماء حساب السعرات الحرارية ف الاكل يعني مثلا متفطرش اكل كتير اكتر من 1500 سعر حراري في الفطار بلاش تحلي بعد الاكل و لو لزم يبقي بلاش حلويات شرقية وكدا كفاية ثمرة فاكهة اثناء الصيام***** يفضل شرب العصائر اللي بتوطي الضغط مش ترفعه السلطة شيئ لازم علي سفرة مريض السكر و الافطار يفضل يكون علي ثمرة تمر شرب كمية من الماء علي فترات متباعدة تناول مشتقات اللبن منزوعة الدسم لو حسيت باي هبوط او انك داخل علي نوبة سكر فلازم تفطر
