كتير بنسمع عن حد قريبنا جاله قرحه ف المعده , تعالي نتكلم شوية عنها قرحة المعدة معناها ان الغشاء المبطن للمعدة من الداخل اتجرح و دا ممكن يكون لاسباب كتير و احنا كمصريين بنعمل كل الحجات دي الاكل الحراق و الشطة التدخين بعض الادوية واهم سبب هو بكتيريا المعدة بكتيريا المعدة من اشهر انوع البكتيريا اللي بتصيب الجهاز الهضمي للانسان و بتصيب حوالي 60% من الاشخاص حول العالم اللي بيميز البكتيريا دي عن غيرها انها بتقدر تحمي نفسها من الحموضة العالية جوا المعدة و كمان بتكسر الغشاء المبطن للمعدة بانزيمات و تعيش جوا جدارها و بالتالي الجهاز المناعي مش بيقدر يوصلها بسهوله . احيانا مش بيكون في اعراض للاصابة رغم وجود البكتيريا لكن ف احيان اخري بيحصل قرحة ف المعدة أسباب الإصابة مفيش سبب مؤكد معروف لسبب الاصابة لكن ف اغلب الحالات بيكون السبب هو الاتصال المباشر مع براز او لعاب شخص اخر مصاب او انا الميا و الاكل يكونوا ملوثين بالبكتيريا . أعراض الإصابة ناس كتير بيكون عندها البكتيريا لكن ملهاش تاثير و لا اضرار لسبب غير معروف لكن اشهر الاعراض هي الم في منطقة البطن بيزيد لما مياكلش لفترة ذي اوقات الصيام . حرقة المعدة. شعور بالغثيان . فقدان الشهيّة. التجشؤ بكثرة. انتفاخ البطن. فقدان الوزن. و اخيرا خروج دم مع البراز او تقيئ دم مضاعفات الإصابة التهاب المعدة سرطان المعدة: ودي اخطر واشهر المضاعافات ومنتشر بكثرة في دول اسيا خاصة اليابان تقرحات المعدة النزيف الداخلي : بيستدل عليه من لون البراز او الشخص يتقيئ دم فقر الدم ودا بسبب النزيف المستمر . ثقب المعدة واللي ممكن بعده يحصل التهاب للغشاء البريتوني تشخيص الإصابة ببكتيريا المعدة اختبار تحليل الدم: ودا اللي بيعرفنا اذا كان الشخص مصاب بعدوى سابقة أو حالية بس دا نادرا ما بيستخدم : اختبار زفير اليوريا ودي بنخلي المريض يشرب سائل يحتوي علي يوريا و بعدين يتنفس جوا كيس و بعدين بنفحص الكيس في حالة وجود ثاني اكسيد الكربون بكثرة بيتشخص المريض بالبكتيريا ودا اكتر الاختبارات دقة تحليل البراز: للكشف عن وجود الاجسام المضادة المنظار و اخذ عينة : عن طريق اننا بندخل بمنظار عن طريق المريئ للمعدة عشان نشوف وجود تقرحات علاج الإصابة ببكتيريا المعدة يتم علاج قرحة المعدة اللي بتحصل بسبب البكتيريا عن طريق اربع ادوية منهم 2 مضاد حيوي مثبطات مضحة البروتون مضادات مستقبلات الهيستامين 2 البزموث سوبساليسيلات مترونيدازول
