السلام عليكم...مبدأيا انا بحكي هنا عن تجربتي في الامتحان مش بقول plan للمذاكرة لاني متاكد ان في ناس هنا في الجروب اجدر مني انهم يقولوا لحضراتكم عن preparation plan وعلى راسهم دكتورنا الغالي د.ابراهيم الاحمد الحمد لله عديت من اول مرة ليا...ماخدتش كورسات ومصححتش حاجه عند حد ... انا بدأت قبل الامتحان بشهر تقريبا وشديت اخر اسبوع...شوفت فيديوهات jay علي اليوتيوب ...حليت الامتحانات الموجوده علي الموقع الرسمي و الامتحان الموجود في كتاب كابلن والتلات امتحانات اللي في الاوفيشيال بوك...الليسنينج والريدينج مكانوش فيهم مشكله اوي بالنسبه لي بدات ب سكور في اللسنينج 29/42 ومع اخر امتحانين وصلت 35/42 وفي الريدينج كنت بجيب 38/42 ...كانت مشكلتي في الرايتينج واللي بسمعه عنه وصعوبته وكمان السبيكينج لاني برغم اني عارف vocabulary كتيرة لكن بحكم ان مفيش ممارسه كتير فكنت بفكر في الكلام.. وده ينتج عنه شويه ممممم و لألأه و كده. اولا الرايتينج كنت بحاول اجيب الامتحان واحله واقارن بين حلي وبين ال model answer المكتوبه ورا ،طبعا كنت بلاقي اختلاف كبير وكنت بضايق...لحد ما شوفت الخطابات اللي كان بيصححها د ابراهيم الاحمد مع ميس يسرا لاقيته تقريبا بيكتب زيي وطبعا هوه قرب الموضوع اكتر واداني زي systematic approach امشي عليه الصراحه سهل الدنيا جدا عليا واتبعت طريقته في كل الامتحانات اللي حليتها في التحضير...نيجي للسبيكينج وده لحد الامتحان مكنتش لاقي له حل...مكانش عندي وقت اني اعمل role play مع حد من الزملاء وكنت بصراحه بتكسف اني احاول.. لكن بدات اتدرب مع اختي مره..واسجل لنفسي مره...ودخلت الامتحان وانا بقول يا رب. وهنا عاوز اقول حاجه...بعد نجاحي اعتقد ان ال fluency مش كل حاجه في السبيكينج الاهم انك ت fullfill all tasks required ...والممتحنين غايه في اللطف والحرفيه...فا متقلقش . والشكر كل الشكر ل د ابراهيم الاحمد اللي من غير بوستاته وكرمه الزائد في شرح كل كبيرة وصغيرة مكنتش عديت انا وغيري...وطبعا زي ما قولت في الاول دي مش plan خالص دي تجربه لواحد ربنا كرمه وعدي في امتحان صعب ، خد منها اللي يفيدك بس طبعا كل واحد عارف هوه واقف فين.. بالتوفيق للجميع.
