centered image

centered image

طريقة مذاكرة امتحان الانجليزى الشهير oet

Discussion in 'المنتدى الطبى' started by Egyptian Doctor, Jun 10, 2019.

  1. Egyptian Doctor

    Egyptian Doctor Moderator Verified Doctor

    Joined:
    Mar 21, 2011
    Messages:
    9,751
    Likes Received:
    3,327
    Trophy Points:
    16,075
    Gender:
    Male
    Practicing medicine in:
    Egypt

    البوست ده مهم جدا و مختلف لإني هتكلم فيه عن طريقة حل كل جزء من امتحان ال OET ازاي
    مش هتكلم كتير عن الماتريال لإنها واحدة و معانا كلنا

    أولا ال OET امتحان انجليزي يعني بيختبر ال skill بتاعتك و مستواك في الانجليزي و لكن أهم حاجة انك تعرف طريقة تحل بيها الامتحان و ده اللي بيخليه سهل نسبياً

    انا ذاكرت في شهرين بمعدل ٤ ساعات في اول شهر و ٦ ساعات ساعات في تاني شهر و كانت فترة كافية جدا لإن مستوايا الحمدلله في الانجليزي كويس (كنت مثلا بتفرج على مسلسلات و افلام من غير ترجمة)

    هتكلم الاول عن طريقة حل الامتحان :

    ‏1.Listening:

    من وجهة نظري ده أصعب جزء لانك بتقرا و تسمع و تفهم و تكتب في نفس الوقت ،
    مفتاح الListening من الآخر هو: الوقت اللي قبل كل audio
    ‏[Part A ]
    أول ما يُسمح ليك بفتح ورقة الأسئلة صُب تركيزك كله في انك تقرا كل الاسئلة بسرعة و تعلم على الكلمات المهمة و تتوقع ايه اللي ممكن تسمعه
    مثلا لو يسأل العيان على وظيفة او دوا فبتتوقع هتسمع ايه

    لو بدأت تقرا اول ما التسجيل يشتغل هتلحق تقرا ال٢٤ سؤال كلهم قبل ما اول audio يشتغل لانه بياخد وقت طويل على مايقول التعليمات ، ممكن توطي الصوت عشان تعرف تركز بس يكون مسموع

    و انت بتحل لو فاتك سؤال سيبه متوقفش عنده و ابقى اكتب اي حاجة تمشي مع سياق الموضوع

    في اغلب الوقت بيstress على الاجابة و هو بينطقها بس مش شرط و ده اللي حصل في امتحاني عشان كده كان صعب
    [Part B]

    تقرا السؤال و تعلم على أهم كلمة و تقرأ الاجابات و تعلم على أهم كلمة بردو و متحلش الا لما الaudio يخلص

    [Part C]

    و ده أصعبهم ، نفس الكلام أول ماتخلص part b اقلب على c و اقرا السؤال وعلم على اهم كلمة في السؤال
    مثلا opinion او first او only بتغير معنى السؤال تماما
    و تمسك اجابة اجابة تعلم على أهم كلمة و دي اللي عينك هتقع عليه وانت بتسمع التسجيل
    الفترة من اول ما part b يخلص لغاية ما يبدأ أول audio كافية انك تقرا ١٤ سؤال من ال١٦
    ومعاك ٩٠ثانية قبل الextract التاني

    اجتهد في part A و part B على قد ماتقدر هم كافيين ينجحوك في الlistening
    و انت بتسمع الaudio لازم تفهمه، لازم تفهم ،لازم تفهم

    ‏2-Reading
    ‏Part A
    أنا طريقتي ان كنت بقرا ال4 text بتمعن في 4 دقايق بالكتير و بحاول اتوقع السؤال و احط خط تحته
    مثلا except أو أي duration أو حاجة بين قوسين و هكذا
    و كنت ببدأ بالcomplete و اسيب الmatching في الاخر بتوفر وقت كبير جدا لانك بتكون حفظت كل text بتتكلم عن ايه و بتحل ال٧ أسئلة من غير ماترجع تبص تاني تقريبا

    [‏Part B&C ]

    تقريبا نفس الطريقة بقرا السؤال فقط من غير الاجابات و اقرا الparagraph كويس و افهمه و أرجع اقرا السؤال تاني
    و أبدأ أشطب على الاجابات الغلط
    و غالبا بتبقى الحيرة بين اجابتين اختار الاقرب اوي للصح و دي بتتحدد على حسب فهمك للقطعة
    3- Writing
    نيجي للجزء اللي عامل قلق و بصراحة احنا اللي بنصعبه على نفسنا
    أول خمس دقايق في منتهى الاهمية و بعد كده بتاخد ١٠ دقايق تعمل فيهن planing
    أول ما يتبقى ٣٠ دقيقة أبدأ اكتب و حط في دماغك صيغة اكتب بيها عشان لو اتورت في الامتحان متضيعش وقت و راجع كل براجراف أول بأول ،متسنتاش تراجع كله في الاخر
    خليك في السهل الممتنع و ابعد عن الفزلكة عشان بتخليك يإما تجيب A يا إما C
    محدش يصحح مع benchmark تعبان جدا و أي كلام
    ادخل جروب studying و صحح مع زمايلك ، أنا كنت في جروب و كنا بنصحح لبعض و كانت مفيدة جدا جدا و الحمدلله ناس كتير عدت writing
    نصيحة : مدخلش ال Ielts في مقارنة مع ال oet لإن ده هو اللي بيصعب علينا الwriting طب يا جماعة نستخدم الpast perfect امتى و الcohesives كتير؟؟ ، احنا بنكتب letter مش essay

    4- speaking
    أسهل جزء ، أهم شي الwarm up لو دخلت واثق من نفسك و انت اصلا بتتكلم كويس و مارست كتير هتعدي مرتاح
    ادخل جروب study و اعملوا speaking سوا أو لو تعرف صاحبك داخل معاك يبقى زي الفل

    نصيحة لو مستواك معقول اجتهد و ذاكر و مارس كتير هتعدي من غير كورسات
    لو ضايع أو خايف.. و هتدفع ، احجز مع E2 language رائعيين ، كان ليهم free sessions listening كل يوم اتنين تحفة

    آخر حاجة أنا كنت وعدت ربنا لو كرمني و نجحني ، هساعد أي حد داخل امتحان قريب لوجه الله على قد ما أقدر ،، أنا كنت بصحح لزمايلي letters مش لحاجة غير إنهم كانوا شايفين إن مستوايا كويس و الnotes بتاعتي مفيدة فكنت بلاقي ناس كتير بتبعتلي و أعتقد ده السبب إني نجحت
    “ كان الله في عون العبد ما دام العبد في عون أخيه “
     

    Add Reply

Share This Page

<