لو انت ماشي ف الطريق او قاعد ف البيت و فجاة لقيت حد بينزف فلازم تعمل الاتي اولا ... لازم تحمي نفسك لربما يكون الشخص اللي بينزف عنده مرض بيتنقل بالدم ذي فيرس سي ودا عن طريق انك تلبس قناع طبي و جونتي ولازم تشوف كمية الدم اللي بينزفها العيان هل هي كمية كبيرة ولا صغيرة و لو كان العيان فايق اساله لو كان عنده اي مرض ف القلب او ضغطه كان عالي ثانيا ... اتاكد ان الشخص بيتنفس عن طريق انك تحط ودنك جنب مناخيره عشان تسمع اذا كان بيتنفس لو مكنش بيتنفس هتعمله تنفس صناعي ثالثا .... تتاكد اذا كان الراجل دا مدخلش في صدمة , طيب و نعرف ان الشخص دا دخل في صدمة اذاي ؟ هتلاقيه جسمه ساقع و لونه مزرق خاصة الاظافر نبض قلبه عالي و التنفس بيبقي ليه صوت احيانا بيحصل ترجيع و دوخه لما تبص في عيون الشخص هتلاقيه عيونه رايحه و الجزء الابيض كبير * لو لقيته كدا يبقي تعمل الاتي تتصل بالاسعاف ارفع رجلين العيان عشان الدم يروح للمخ لو العيان كان بيجيب دم من بقه او من مناخيره اقلبه علي جنبه تحاول توقف النزيف و تغطي العيان ببطانيه شيل اي كرافاته او جزمه او حزام و اي حاجة ضيقة و حابسه الدم متديش العيان اي اكل او مشروبات لو الشخص كان فايق و بينزف يبقي اول حاجة تطمن العيان وتقعد العيان تخليه يحني راسه عشان النزيف مينزلش علي الجهاز التنفسي و بعدين تدوس علي الجزء الطري اللي ف المناخير تخلي العيان يتنفس من بقه و لو كان في بقه دم يبقي يخليه يتفه تحط كيس تلج علي المناخير ممكن تحط قطنه عليه مادة تمنع النزيف لكن لازم تتاكد ان الشخص معندوش الضغط الاول يستمر الكلام دا لمدة 10 دقايق لو النزيف استمر يبقي نروح بالحالة ع المستشفي
