في حوار جميل مع طالب لسه مخلص امتياز عن حالات كتير اتكررت قدامه و حالات سهله مش صعبه كان بيتكلم عن التهاب المعدة فلو أنت فى سنة الامتياز أو طالب بتنزل تدرب فى الاستقبال أو حتى نائب باطنة ، أشهر حالة هتقابلها فى استقبال الطوارئ رغم إنها مش حالة طوارئ هى الحموضة وإلتهابات المعدة ومايصاحبها من ترجيع بنعرف نتعامل مع الحالة فى الطوارئ ، وبنديهاأمبول H2 blocker زى أمبول الrani ومعاه امبول Anti-emetic زى أمبول الDanset ، وممكن نضيف معاهم حاجةSpasmolytic زى Spasmofree or visceralgine وممكن لو الحالة شديدة ندىPpi by iv infusion ومبننساش كمان إننا نشوف الضغط بتاع العيان لأنه فى الغالب بيكون مهبط نتيجة الترجيع وقلة الأكل لأنه بيكون خايف ياكل أحسن يرجع أو الألم يزيد معاه فلو كان مهبط ممكن نعلقله نص لتر جلوكوز أو محلول ملح ونضرب كل الحقن اللى فوق دى فى المحلول فيه نقطة حابب أأكد عليها وهى إن ال Spasmolytic is mandatory for pain relieve and not to be replaced by any analgesic وعلشان كدا إحنا بنستخم السبازموفرى ومش بنستخدم السبازموفين، ، علشان فى الاستقبال فى ناس بتستنصح لما يكون السبازموفرى ناقص وتدى مكانه أمول ديكلوفين ، ودا طبعا علشان المسكنات دى عبارة عن nsaids وبتعمل تثبيط ل cox2 و كمان cox1 الموجود فى جدار المعدة مما يزيد الإلتهابات سوءاً ، فانت لو اديت الرانى وحده هيكون أفضل من إنك تضيف معاه مسكن . علشان كدا عند كتابة مسكن لمريض المعدة بنستخدم الباراسيتامول أو selective cox2 inhibitor NSAIDs النقطة التانية هى إن معظم الدكاترة بسب ضغط الاستقبال بينسوا أو يكسلوا يقولوا نصائح الأكل للمريض على الرغم من أهميتها وأنها تعتبر الخط العلاجى الأول وفائدتها ربما تتجاوز فائدة الأدوية و دي شوية نصايح تعليمات هامة لمرضى التهابات المعدة وزيادة الحموضة 1- ممنوع الأكل المسبك والسمين ( ممنوع الثوم والبصل والطماطم واللحمة السمينة ) . 2- ممنوع الأكل المشطشط والحراق والغنى بالتوابل . 3- تقليل الزيوت والسمنة بالأكل . 4- ممنوع التدخين تماما سواء سجائر أو شيشة ( التدخين من أهم أسباب التهابات وقرحة المعدة ) . 5- ممنوع شرب الشاى والقهوة والنسكافيه والكاكاو والشيكولاته . 6- ممنوع استخدام المسكنات ذات الأثار الجانبية على المعدة كالأسبرين ومسكنات العظام . 7- ممنوع المشروبات الغازية ( الكوكاكولا وغيرها ) . 8- تجنب الفواكه الحمضية كالبرتقال والليمون . 9- تجنب اللب والفول السودانى والمكسرات والمخلل والطعمية والعدس والتونة مع تقليل الملح بالأكل . - الأطعمة المفضلة الخضروات المسلوقة وتجنب الخضروات الخضراء والأطعمة النشوية كالأرزالمطهى جيدا والمكرونة البيضاء والبطاطا والبطاطس المسلوقة والسكريات كالعسل الأبيض والمربى ومن الفواكه بدون قشر أو بذور كالموز والتفاح المبشور . ( مع عدم الإكثار من هذه الأطعمة فى حالات مرضى السكر ) يجب الأكل ببطئ ومضغ الطعام جيدا قبل البلع . يفضل أكل اللحوم قليلة الدسم كالسمك المشوى والدجاج . اللبن الزبادى (مشروب الزبادى ) من أفضل الأطعمة الملطفة للمعدة . تناول الطعام بدرجة حرارة معتدلة ( تجنب الطعام الساخن والبارد ) . عدم إمتلاء المعدة بالطعام ( تقسم وجبات اليوم إلى 4 أو 5 وجبات خفيفة ) . عدم النوم بعد الأكل مباشرة ( يجب مرور ساعتين أو 3 على الأقل ) . يفضل رفع رأس السرير ( النوم على مخدة عالية ) . يفضل الإبتعاد عن الإنفعالات والتوتر النفسى . ( التوتر يزود إفرازات المعدة مما يجعل إلتهاب المعدة أسوأ ) فى حالة تناول أدوية لأمراض أخرى يرجى عدم تناول الأدوية على معدة فارغة ويفضل تناولها بعد أو أثناء الأكل أو بعد مشروب خفيف .
