و فقا لاخر الدراسات حذرت هيئة الغذاء و الدواء الامريكية من تناول المضادات الحيوية المعروفة باسم الفلوروكينولون لانها بتسبب تمدد في الاورطي و بالتالي فان المخاطر الناتجة عن استخدام الفلوروكينولون اكتر من الفوائد التحذيرات دي علي اساس شكوي بعض المرضي الصحية و دراسات تانية نشرت ما بين عامي 2015 و 2018 و اللي بتاكد الكلام دا .. غالبا الفلوروكينولون تستخدم لعلاج التهاب الجهاز التنفسي والمسالك البولية و حتي الطاعون و كان المرضي بياخدوهم عن طريق الفم اوالحقن و الاسماء الطبية للادوية دي هي ciprofloxacin , gemifloxacin , norfloxacin , moxifloxacin , levofloxacin الادوية دي بتسبب تمدد ف شريان الاورطي و انتفاخة واللي ممكن يتمدد لغاية ما ينفجر و الانسان يموت نتيجة النزيف الحاد .. لكن مش كل الناس هيحصلها كدا , الدراسة بتقول ان بس كبار السن و مرضي الضغط و المرضي اللي كان عندهم انسداد ف شريان الاورطي هم اكثر ناس معرضين لمخاطر الفئة دي من الادوية دا بالاضاقة للناس اللي عندهم متلازمات واثية ذي متلازمة مارفان و قال مفوض الهيئة العامة للغذاء و الدواء " ان احتمال اصابة المرضي بتمدد الشريان الاورطي يزداد للضعف عندما يوصف لهم هذه الفئة من الادوية " و يجب البحث عن العلاج البديل لكثل هذه الحالات . اما بالنسبة للمرضي اللي معندهمش عوامل خطورة فدول ممكن ياخدو الادوية دي بدون مشاكل و دا لان الادوية دي ساعدت ناس كتير ف القضاء ع الكثير من العدوي البكتيرية ف ال 30 سنة الاخيرة بدون الابلاغ عن مشاكل لكن برضوا يفضل كتابة اخطار الدواء لفئة معينة من الناس وفي يوليو اعلنت الوكالة بان الفئة دي من الادوية بتؤدي الي نقص السكر ف الدم و بتؤثر ع الصحة العقلية .. و 2016 تم الاعلان بان الادوية دي ليها تاثير ملحوظ ع الاعصاب و الجهاز العصبي و مش لازم نستخدمها في حالات العدوي البسيطة و قالت هيئة الغذاء و الدواء الامريكية انها تراقب اي اثار جانبية اخري متعلقة باستخدام الدوا كما توصي بالتحدث مع الطبيب في حالة ظهور اي اعراض اخري بسبب استخدام هذه المنتجات ..