اغلبنا مر بالحالة دي او شاف ناس بتتخنق و مش عارفة تتنفس و بيبقي مش عارف يعمل ايه عشان ينقذه من الموت ممكن يكون شخص كبير او طفل و ممكن يكون الشخص دا فايق و ممكن يكون مغمي عليه . هنعرف اذاي انه مخنوق و انه في حاجة سادة مجري الهواء ؟ هنلاقيه ماسك رقبته بايده و ووشه بيبهت لغاية ما يزرق و عينه بتدمع و مش قادر يتكلم طيب نعمل ايه لو شوفنا ناس ذي كدا ؟ دا بيبقي علي حسب حالة يعني مثلا لو حد كبير و فايق مش مغمي عليه بتقف وراه و تلف دراعاتك حوليه و تعمل قبضه بايد وتمسك القبضة ب الايد التانية لازم تحط ايدك فوق سرته و تحت قفصه الصدري عشان متكسرش ضلوعه بتضغط بياديك علي بطن العيان اتجاه الضغط بيكون لجوا و لفوق بتفضل تعمل كدا لغاية ما الجسم الغريب يطلع من مكانه و الشخص يعرف يتكلم اثناء من انت بتعمل كدا حط صباعك في فم العيان لربما يكون الجسم الغريب موجود قريب في مجري الهوا لو كل دا و العيان لسه متحسنش و متنفسش يبقي تعمله تنفس صناعي تضغط 3 مرات علي القلب و تديله هو عن طريق بقه لحد ما توصل الاسعاف لو برضو العيان متحسنش و لقيته هيموت يبقي هنضطر تعمل فتحه في مجري التفس * ناخد بالنا لو كانت واحده حامل لربما يسقط الحمل * *بنتصل بالاسعاف قبل ما نعمل اي حاجة * لو كان الحاله واحد مغمي عليه يبقي اعدله اخليه نايم علي ضهره و بعدين اركب علي فخديه و اضغط علي بطنه بين سرته و قفصه الصدري بس المرة دي يكون اتجاه الضغط لفوق و برضو التاكد ان ان بقه فاضي مفهوش حاجة سداه و طبعا لو فشل الكلام دا بعمل تنفس صناعي و لو الحاله لسه متحسنتش بضطر افتح مجري الهوا بحاجة حادة لو كان طفل بتحط الطفل علي ايدك وتبدا تضربه علي ضهره علي خفيف كدا لو مفيش حاجة نزلت تقلبه و تحط صباعينك في منتصف صدره و تضغط لفوق و تكرر الكلام دا لغاية ما الحاجة اللي سادة مجري الهوا تنزل