تبقي قاعد مع اصحابك وسعيد و قعدة جميلة و فجأة تحس روحك بتتسحب منك و تحس انك هتموت دلوقتي ومن جدية الموقف بتروح تجري مع اصحابك لاقرب مستشفي الحقني يادكتور بموت , الدكتور بسرعة يعملك رسم قلب و شوية فحوصات يلاقيك سليم 100% ايه دا ؟ايه اللي انت حسيت بيه دا ؟ دا حاجة اسمها " نوبة هلع " panic attack نوبات الهلع هي مرض يصيب مجموعة كبيرة من الناس منهم اللي بيكون معاه اكتئاب و منهم اللي بيكون بسبب ضغوطات الحياه , و اعراض نوبات الهلع كتير و بتتداخل مع اعراض امراض تانية خليني اقلك ايه اعراض ممكن تحس بيها علي مستوي كل عضو في جسمك سخونة بكل جسمك و لونك ممكن يبهت و يتغير ل اصفر او احمر عرق كانك كنت في سباق الم في عضلاتك و تعب من اقل مجهود وشعور بالارهاق الدائم و الخمول شعور بتنميل " ودا شعور شائع جدا " احساس بحرقان ف الجلد و حكة علي مستوي القلب النبض هتحسه عالي و سريع و احيانا ممكن تسمعه الشعور بان قلبك هيتوقف فجأة القلب كانه بينبض بقوة او احيانا تحس انه فوت نبضة التنفس مش قادر تاخد تنفسك وكانك بتجبر نفسك علي التنفس احيانا ف الحالات الشديدة في ناس بتنسي اذاي تتنفس الم في منطقة الصدر عموما وكان في حاجة سادة مجري الهوا شعور باختناق احساس بضيق في صدرك وكانه غير ممتلئ بالهوا الرأس ضبابية في الدماغ وكان في حاجة مانعة تفكيرك حكة حرق فروة الرأس الدوخة أو الدوار الخفيف الصداع المتكرر والصداع النصفيق تصلب في العنق انقباض في الفك حاصة عند التثاؤب هتحس ان فكك مش راضي يتحرك الاذن والسمع حكة بالاذن انخفاض الأصوات خفض مستوي السمع رنين في الأذنين سماع صوت خفقان القلب او نبض القلب في الاذن المعدة والجهاز الهضمي حرقة ووخز في الفم حرقة في اللسان ودي مشهورة جدا صعوبة في البلع صعوبة الكلام، النطق بحروف معينة فبينتج عنه تلعثم , ثقل اللسان جفاف الفم الشعور بانك لا تستطيع الابتلاع بشكل صحيح ودي بتدايق المريض جدا اثناء النوم الاحساس بتورم في اللسان الشعور بان شيء عالق في الحلق افكار و مخاوف اكيد هتحس بيها لو جتلك نوبة هلع هي اصلا اتسمت نوبات هلع عشان الخوف الشديد اللي بيكون اثناءها , خوف من كل حاجة مثلا تخاف من الوقوع علي الارض الخوف من الموت الخوف من فقدان السيطرة علي نفسك الخوف من الموت الخوف من الاغماء اما الناس الخوف من تكرار نوبات الهلع و اللي هو هتحصلي امتي تاني خوف من ان تتجنن خوف من أشياء غير منطقية ذي مثلا انك مستغرب شكل ايدك و متغرب اللي حوليك كانك اول مرة تشوفهم زيادة الوعي بنفسك الشعور بانك غير موجود او كانك بتشوف حلم ديجا فو، الشعور كأنك عملت لحاجة دي قبل كدا