centered image

centered image

فرص سفر الأطباء للخارج و المعادلات الأجنبيه فى الطب

Discussion in 'المنتدى الطبى' started by Egyptian Doctor, Oct 1, 2017.

  1. Egyptian Doctor

    Egyptian Doctor Moderator Verified Doctor

    Joined:
    Mar 21, 2011
    Messages:
    9,751
    Likes Received:
    3,327
    Trophy Points:
    16,075
    Gender:
    Male
    Practicing medicine in:
    Egypt

    منذ فترة طويلة وأنا أحاول أن أدرس امكانية سفر الأطباء العرب و المصريين للعمل فى الخارج ومدى امكانية النجاح فى المعادلات الأجنبيه فى الطب المختلفة وايجاد فرصة للعمل كطبيب فى الدول الأجنبيه وهو حلم يراود الكثير من طلبة الطب و الأطباء حديثى التخرج بل والأطباء كبار السن أيضا فى بعض الأحيان نظرا لصعوبة المعيشة للأطباء فى الوطن العربى سواء اجتماعيا او اقتصاديا وفى نفس الوقت مع تواجد نقص فى الكوادر الطبية فى مختلف دول العالم وخاصة امريكا و كندا و استراليا و أوروبا

    * الشهادات المصرية على اختلاف اشكالها حتى الدكتوراه غير معترف بيها فى كل دول العالم ما عدا الخليج

    • الخليج لتجميع الفلوس والادخار مش اكتر خصوصا فى السعودية حيث الحياة مقفولة بس فرص الادخار اعلى عكس الامارات فرص الادخار فيها اقل بس الحياة مفتوحة وافضل و الكويت كذلك وقطر شرحه ..

    • كل دول الخليج الان تقريبا ليهم امتحان ترخيص تتفاوت درجة صعوبته من بلد لاخر يقال انه اصعب فى الامارات عن السعودية ..

    لو حضرتك حابب بقى يبقى معاك فلوس و تقف على كده وتاكل كبسة وتظبط نفسك من باندا يبقى متكلمش قراية ...
    مبتحبش الكبسة يبقى كمل معايا

    نيجى بقى على الدول المحترمة ....

    اول حاجة حضرك تعملها انك تنسى شهاداتك المصرية كلها ..اتفقنا ..

    يلهوى والدكتوراه والماستر والبتاع ..

    خلاص اطلع فوق عالخليج بقى متصدعناش ..

    خلاص هنسى..

    طيب اركب معانا ...

    • اولا كندا بص يا ريس

    عايز تبقى دكتور فى كندا هتقدم على امتحان المعادلة الكندية و والجزء التانى فيه بيقولو صعب والناس مبتعديش او هم مش بيعدوهم المهم بعده

    هتقدم على الماتشنج والفرص صعبة لانها قليلة وعليها تنافس رهيب من الاخوة الهنود الله يباركلهم مش مخليين حد ياكل عيش فى العالم كله

    يعنى انسى كندا

    لا اتقل بس

    عندهم سكة تانية فرعية اسمها specialist pathway

    يقولك ايوه بقى انا معايا ماستر ومعايا شهادة اخصائى من النقابة ..لا يا حبيبى specialist عندهم يعنى معاه دكتوراه بتقجم ورقك وهو بيقيمك و يبقى النتيجة حاجة من تلاتة

    1- حضرتك كويس هتمتحن بس امتحان الجزء الاول فقط و يحطك تحت الملاحظة 3 شهور فى الشغل وبعدين ممكن يقولك اوك او يمشيك

    2- حضرتك كويس بس مة كذا محتاج تدريب لسه فى كذا او كذا لمدة كذا سنة

    3- او يقولك حضرتك تروح تقعد جنب الحاجة بالشهادة ده

    يعنى انسى كندا ؟؟

    يعنى

    *ثانيا استراليا ..وسع بقى للكبير

    السكك تلاتة

    اولا : standard pathway
    هتذاكر المعادلة الاسترالية بعد لما تخلص المعادلة ممكن حضرتك تقدم على التسجيل فى الميديكال كاونسل و عشان تسجل لازم زفت ايلتس اربع سبعات معرفتش تجيبهم وامتحنته 18 مرة يبقى سيبك منه وادخل الامتحان التانى اللى اسمه OET اسهل وممكن تعدى من اول مرة .. وبعدين تقدم على وظائف والشغل والفرص بدون خبرة فى استراليا فى الشغل مش سهلة ..

    ثانيا specialist pathway
    زى بتاع كندا بالظبط نفس اكلام والمصير

    ثالثا : competent authority pathway

    يعنى حضرتك تشتغل فى دولة محترمة الاول وبعدين تروحلهم ..

    الدول المحترمة ...امريكا ..كندا ...انجلترا ..ايرلندا ...كثير من دول اوروربا ...

    يعنى مصر مش محترمة؟؟

    متغلطوناش بقى

    * ثالثا نيوزلندا ..

    زى استراليا بالظبط

    • رابعا انجلترا

    سكتها حاجة من اتنين

    اولا : معادلة البلاب عشان تدخلها لازم الاول ايلتس 7 ونص توتال و ميقلش عن 7 فى كل مهارة و للاسف ملوش بديل زى استراليا و نيوزلندا

    بعده بتمتحن المعادلة وبعدين تسجل فى الميديكال كاونسل بتاعهم وتقدم على شغل بس فى حاجة ...

    بتشتغل فى وظائف خارج السيستم زى طبيب زائر عندنا ليس له حق الترقى ..الدخول جوه السيستم مش مستحيل بس صعب خصوصا فى التخصصات الجراحية ..الاولوية لابناء البلد اولا ثم ابناء الاتحاد الاوروبى و بعدين يشوفو بقى بتوع مصر و بنجلاديش و الكونجو والدول المتطورة ده

    السكة التانية : زمالة و معاها ايلتس وتسجل ونفس الباقى بقى

    بعد خمس سنين شغل ممكن تحصل على الجنسية والمدام والاولاد ويبقى معاك باسبور اجنيى ..مبروك يا كبير

    * ايرلندا
    زى انجلترا بالظبط فى كل شئ بس الايلتس 7 مجموع و ميقلش عن 6ونص فى كل مهارة

    تانى فرق ان الزمالة بتعفى من الايلتس

    سواء الزمالة الايرلندية او الانجليزية

    برضه بعد خمس سنين باسبور ومبروك برضه ...

    * امريكا

    سكتها معروفة معادلة باسكور عالى عشان الماشتنج وربنا يسهل بقى فى الماتشنج وفرص الشغل كطبيب مقيم ...

    * المانيا محتاجة لغة و بتقدر تسجل نفسك و فرص الشغل بتقل مع الوقت اكيد ..

    • فرنسا والنرويج وغيرهم من الدول الاوروبية مشكلتنا معاهم هتبقى اللغة

    الخلاصة :

    الاطباء الشبان عندهم فرصة كبيرة ..

    حدد هدفك وفكك من الشهادات المصرية خالص ..

    نشن على حاجة بره ومنها هترجع برنس البرانيس فى الخليج ...

    الاطباء العواجير عندهم فرصة برضه ياخدو ثواب فى الاطباء الشبان وينصحوهم ..

    هذا ما لدى حتى الساعة ...

    ---------------------------

    لمعرفة التخصص المناسب لشخصيتك , استخدم هذا الكويز المكون من 10 أسئلة : كويز اختيار التخصص الطبى
     

    Add Reply
    Elraee likes this.

Share This Page

<